Organizohet Forumi për përfituesit e projekteve në kuadër të IPA Programit të bashkëpunimit ndërkufitarë Mal i Zi-Kosovë

Strukturat e IPA Programit të bashkëpunimit ndërkufitarë Mal i Zi-Kosovë 2014-2020 organizuan forumin e diskutimit me përfituesit e projekteve të Thirrjes së Dytë për dërgimin e projekt-promozimeve. Ngjarja u mbajt në Hotel Prishtina International (Prishtinë, Kosovë) më daten 16 shtator të vitit 2022 dhe në të morën pjesë përfituesit e secilit projekt të kontraktuar brenda Thirrjes së Dytë.

 

 

Kjo ngjarje u organizua me qëllim të rritjes së kapaciteteve të përfituesve të projekteve. Forumi u mbajt me qëllim që të kontribuojë në përmirësimin e ndikimit të zbatimit të projekteve përmes shkëmbimit të pikëpamjeve të përfituesve të granteve në lidhje me zbatimin e projekteve, çështjet aktuale dhe praktikat e mira dhe nxitjen e komunikimit ndërmjet projekteve.

 

 

Forumi u organizua si ngjarje njëditore, gjatë së cilës u prezantuan gjetjet nga Sekretariati i Përbashket Teknik dhe u pasua me diskutime në grup, pyetje dhe përgjigje, shembuj dhe ilustrime praktike nga puna dhe përvoja e përditshme. Për më tepër, pjesëmarrësit u nxitën të ndajnë sfidat e tyre specifike me të cilat përballen gjatë fazës së zbatimit, duke synuar të bëjnë një listë të vështirësive dhe zgjidhjeve të aplikuara nga përfitues të ndryshëm.

 

 

Prandaj, forumi ishte një mundësi të mirë për t’u mundësuar përfituesve të granteve të projekteve, të cilët janë në zbatim në kuadër të Thirrjes së Dytë, që të rrisin bashkëpunimin ndërmjet projekteve të ngjashme, të përmirësojnë komunikimin ndërmjet partnerëve dhe projekteve të ngjashme, dhe të identifikojnë sfidat kryesore dhe idetë e përbashkëta për të kapërcyer problemet, si dhe të diskutojnë mbi praktikat më të mira.