IPA Cross-Border Cooperation Programme Montenegro-Kosovo 2014-2020 The global objective of the programme is to improve the standard and quality of living of the people in the programme area through the environmentally sustainable and socially inclusive economic development of the region, with respect for its common cultural and natural heritage.
Autoriteti Kontraktues (AK)
Autoriteti kontraktues për programin IPA BNK Mal i Zi – Kosovë 2014-2020 është Ministria e Financës në Malin e Zi, saktësisht Drejtoria e Financës dhe Kontraktimit për Asistencën e BE..
Strukturat Operuese (SO)
Struktura Operuese e Malit të Zi pëbëhet nga Njësia e BNK dhe Autoriteti Kontraktues. I pari ndodhet pranë Ministrisë për Çështje Evropiane, në Drejtorinë për Fondet e BE-së; dhe e dyta pranë Ministrisë së Financave në Malin e Zi, Drejtoria e Financës dhe Kontraktimit për Asistencën e Fondeve të BE (CFCU).
Struktura Operuese e Kosovës përbëhet nga Njësia e BNK në Ministrinë e Pushtetit Lokal, ndërkohë që rolin e Drejtuesit të SO e mban Sekretari i Përgjithshëm në Ministrinë e Administrimit të Pushtetit Lokal. Njësia e Kontrollit është një pjesë integrale e sistemit kontrollues dhe menaxhues dhe detyrat e saj kryhen nga Ministria e Administrimit të Pushtetit Lokal.
Sekretariati i Përbashkët Teknik (SPT)
Sekretariati i Përbashkët Teknik (SPT), është struktura administrative e ngarkuar me menaxhimin ditë pas dite të programit Mal i Zi – Kosovë. SPT është i ngarkuar të asistojë aplikuesit potencial gjatë procesit të kërkimit të partnerëve, ndërtimit të kapaciteteve për zhvillimin e projekteve (p.sh. organizimi i Forumeve për Kërkim Partnerësh, organizimi i trajnimeve mbi Ciklin e Menaxhimit të Projektit etj), të mbështesë Autoritetin Kontraktues (AK) gjatë punës së Komitetit për Vlerësimin e projekteve, të mundësojë bashkpunimin e afërt të Strukturave Operuese (SO), të asistojë Komitetin e Përbashkët Monitorues nëpërmjet përmbushjes së rolit të sekretariatit, të monitorojë dhe këshillojë përfituesit e granteve, të organizojë fushata informuese dhe aktivitete të tjera me qëllim rritjen e ndërgjegjsimit të publikut për programin BNK.
Zyra qëndrore e SPT është e vendosur në Podgoricë, ndërsa zyra e Antenës është e vendosur në Prishtinë.
Komiteti Drejtues i Projektit (KDP)
Roli i Komitetit Drejtues të Projektit konsiston në mbikqyrjen e zbatimit të kontratës së shërbimit, duke përfshirë monitorimin e progresit të aktiviteteve të projektit, duke siguruar koordinimin e përgjithshëm të zbatimit të projektit dhe vlerësimin e cilësisë së outputeve të projektit. Bashkpunimi me anëtarët e KDP dhe mbështetja e tyre do të mundësojë orientimin dhe udhëzimet teknike për zbatimin e projektit dhe do të sigurojë koordinimin e duhur ndërmjet aktorëve të përfshirë.
Komiteti i Përbashkët Monitorues (KPM)
Komiteti i Përbashkët Monitorues është i ngarkuar të monitorojë zbatimin e përgjithshëm të programit dhe përbëhet nga përfaqsues të dy vendeve përfituese, Malit të Zi dhe Kosovës të cilët kanë status të barabartë në KPM.